Buenos dias, Mathias

Rhytmus: Spanischer Walzer

Tonart: C dur 

En Woch op Mallorca met Halbpension,

Betriebsausfluch Lüsgen Kranz und Sohn,

dä Hoot op - die Brell aan - un ab an dä Strand.

Am Ballermann hanse uns treck widdererkannt.

Pesetas jetuusch - un die Fläsche op,

dat jedudels eraf, un d´r Ostermann drop.

Buena notte Charlotte, Mallorca si si

dat es uns Erholung, wat bruche mer mih.

Buenos dias Mathias mer sin widder do,

am Strand von Mallorca wie jedes Johr.

(:Met alle Mann am Ballermann,

nur Amore un Sonnesching un kei Bett jesinn:)

Ovends jejesse, et jov widder Fesch

un dann en de Disco, wä setz do am Desch,

die Mädsche vum Käjelclub „Drieß op die Kall“

Us Neppes!  -  Jung die kenne mer all.

Nohm fuffzehnte Danz, hät d´r Jupp widder Ping

un rührt all sing Pille, enet Bier met eren.

D´r Franz määt op Liebe, en Witwe aus Prüm

dä hammer em Fluchzeuch, eets widder-jesinn.